Anna Einarsdóttir á Selfossi varð í 2. sæti í sínum flokki í módelfitness kvenna þegar Íslandsmótið í fitness, módelfitness, sportfitness og vaxtarrækt fór fram í Háskólabíói í gær.
Alls tóku 126 keppendur þátt í mótinu og áttu Sunnlendingar nokkra fulltrúa. Anna náði bestum árangri þeirra þegar hún varð í 2. sæti í mótelfitness kvenna -171 og í módelfitness kvenna -168 varð Katrín Ösp Jónasdóttir í 5. sæti.
Keppnin á mótinu var að vonum spennandi enda keppendur búnir að undirbúa sig fyrir stóru stundina í marga mánuði.
Úrslit á Íslandsmótinu og myndir af keppendum má finna á vefsíðu Fittnessfrétta.