Anna Metta Óskarsdóttir, Umf. Selfoss, náði frábærum árangri í hálfmaraþoni í Vormaraþoni Félags maraþonhlaupara síðastliðinn laugardag.
Hlaupið fór fram í Reykjavík og þar hljóp Anna Metta hálfmaraþon á 1:57,02 klst. Hún kom fyrst í mark í flokki stúlkna 15-17 ára og stórbætti HSK-metin í þremur aldursflokkum; 16-17 ára, 18-19 ára og 20-22 ára.
Í 16-17 ára flokknum bætti hún 17 ára gamalt met Telmu Dísar Sigurðardóttur um rúmar 55 mínútur, í 18-19 ára flokknum bætti hún tíu ára gamalt met met Eydísar Örnu Birgisdóttur um rúmar 26 mínútur og í 20-22 ára flokknum bætti hún sextán ára gamalt met Ingunnar Láru Ívarsdóttur um rúmar 7 mínútur.