Andri Eldon Hreinsson, Umf. Laugdæla, setti tvö HSK met innanhúss í flokki 11 ára pilta á frjálsíþróttamótinu Gaflaranum, sem fram fór í Kaplakrika í Hafnarfirði um síðustu helgi.
Andri hljóp 60 m hlaup á 8,82 sek og bætti sjö ára gamalt met Vésteins Loftssonar, Umf. Hrunamanna, um 0,09 sekúndur.
Hann bætti svo öðru héraðsmeti í safnið í 400 m hlaupi þar sem hann hljóp á 68,50 sek og bætti átta ára gamalt met Kristófers Árna Jónssonar, Umf. Heklu, um 1,19 sekúndur.
Andri Eldon keppti á MÍ 11-14 ára í Borgarnesi í sumar og þar setti hann sitt fyrsta HSK met, en hann bætti metið í 400 metra hlaupi 11 ára utanhúss, hljóp þá á 69,74 sek.