Selfoss 2 tók á móti Haukum 2 í 1. deild karla í handbolta í kvöld. Jafnræði var með liðunum allan tímann en leiknum lauk með jafntefli, 35-35.
Jafnt var á öllum tölum upp í 10-10 fyrstu átján mínútur leiksins en þá slitu Haukar sig frá Selfyssingum sem jöfnuðu þó aftur 12-12 og síðan 18-18 en staðan var 19-19 í hálfleik.
Selfyssingar voru skrefinu á undan allan seinni hálfleikinn en munurinn var aldrei meiri en 1-2 mörk. Lokakaflinn var æsispennandi, þegar þrjár mínútur voru eftir skoruðu Haukar þrjú mörk í röð og breyttu stöðunni í 34-35. Selfyssingar áttu hins vegar lokaorðið og þeir jöfnuðu 35-35 þegar rúmar 20 sekúndur voru eftir.
Ragnar Hilmarsson var markahæstur Selfyssinga með 10 mörk, Aron Leo Guðmundsson skoraði 7, Bartosz Galeski 5, Dagbjartur Máni Björnsson 4, Dagur Rafn Gíslason 3, Skarphéðinn Steinn Sveinsson og Bjarni Valur Bjarnason 2 og Jón Þórarinn Hreiðarsson 1.
Garðar Freyr Bergsson varði 13 skot í marki Selfoss og skoraði 1 mark.
Þegar ein umferð er eftir af 1. deildinni er Selfoss 2 í 7. sæti með 19 stig en Haukar 2 eru í 4. sæti með 26 stig.