Hamar gerði 2-2 jafntefli við Álftanes í 2. deild kvenna í knattspyrnu á Bessastaðavelli í dag.
Álftanes komst í 2-0 í fyrri hálfleik og þannig stóðu leikar í hálfleik. Hamar svaraði hins vegar fyrir sig í seinni hálfleik.
Karen Inga Bergsdóttir minnkaði muninn á 54. mínútu og Íris Sverrisdóttir skoraði svo jöfnunarmarkið úr vítaspyrnu fjórum mínútum fyrir leikslok.
Hamar er nú í 6. sæti deildarinnar með 11 stig en Álftanes er í 5. sæti með 17 stig.