Allir Selfyssingarnir unnu til verðlauna á RIG

(F.v.) Jakob, Breki, Egill, Úlfur og Vésteinn. Ljósmynd/Umf. Selfoss

Allir fimm keppendur Ungmennafélags Selfoss unnu til verðlauna í júdókeppni Reykjavik International Games, sem fram fór í Laugardalshöllinni um þarsíðustu helgi.

Keppendurnir frá Selfossi sýndu glæsileg tilþrif. Egill Blöndal og Úlfur Þór Böðvarsson mættust í úrslitaglímunni í -90 kg flokki og þar hafði Egill betur. Hann tók því gullið í flokknum og Úlfur hlaut silfurverðlaun.

Vésteinn Bjarnason nældi í silfurverðlaun í -66 kg flokki á sínu fyrsta móti í flokki fullorðinna. Jakob Tomczyk fékk brons í -73 kg flokki eftir mikla keppni og Breki Bernhardsson fékk einnig brons í -81 kg.