Þór Þorlákshöfn heimsótti Stjörnuna í Garðabæinn í úrvalsdeild karla í körfubolta í kvöld. Yfirburðir Stjörnunnar voru algjörir en lokatölur leiksins voru 127-68.
Það gekk ekkert upp hjá Þórsurum í kvöld, hvorki í vörn eða sókn og Stjörnumenn juku forskot sitt jafnt og þétt allan leikinn. Staðan var orðin 69-37 í hálfleik.
Djordje Dzeletovic var stigahæstur Þórsara með 16 stig og 10 fráköst, Rafail Lanaras skoraði 14 og Dachon Burk 12.
Þórsarar eru í 10. sæti deildarinnar með 10 stig en Stjarnan í 2. sæti með 28 stig.