Álfrún Diljá Kristínardóttir, Umf. Selfoss, hefur verið iðin við að bæta héraðsmetin í sleggjukasti á síðustu mánuðum.
Hún hélt áfram að bæta sig á Sumarkastmóti FH, sem fram fór þann 26. júní síðastliðinn í Hafnarfirði. Álfrún Diljá sigraði í flokki 15 ára með 3 kg sleggju og kastaði 47,00 metra.
Hún bætti þar eigin met í 15 ára flokki og 16-17 ára flokki um 3,07 metra en gömlu metin setti hún á Vormóti HSK í vor.