Sjötta og jafnfram síðsta umferð Íslandsmótsins í motocross fór fram í Mosfellsbæ í lok ágúst. Alexander Adam Kuc og Eric Máni Guðmundsson, úr motocrossdeild Umf. Selfoss, tryggðu sér báðir Íslandsmeistaratitil á mótinu.
Rúmlega 70 keppendur voru skráðir til leik sem var met þáttaka þetta sumarið en að þessu sinni átti Ungmennafélag Selfoss fjóra keppendur.
Alexander MX1 flokkinn og Eric Máni sigraði MX2 flokkinn og tryggðu þeir sér þar með Íslandsmeistaratitlana í þessum flokkum. Þess má geta að þetta er annar Íslandsmeistarartitill Alexanders og fimmti Íslandsmeistarartitill Erics Mána.
Ásta Petrea Hannesdóttir var að taka þátt í sinni fyrstu keppni þetta sumarið og sigraði hún í kvennaflokki og Sindri Steinn Axelsson varð í fimmta sæti í flokknum MX2.
