Markmaðurinn Alexander Hrafnkelsson hefur framlengt samning sinn við handknattleiksdeild Selfoss til tveggja ára.
Alexander er ungur og efnilegur markmaður og hefur staðið sig gríðarlega vel bæði með meistaraflokki og U-liði Selfoss síðastliðin tímabil.
Í tilkynningu frá handknattleiksdeildinni segir að þar á bæ séu menn gríðarlega ánægðir með að Alexander skuli framlengja og verður gaman að fylgjast með honum og strákunum í Olísdeildinni í vetur.