Árborg tapaði 2-3 á heimavelli þegar Álafoss kom í heimsókn á Selfossvöll í C-deild deildarbikars karla í knattspyrnu í dag.
Gestirnir komust yfir á 10. mínútu en Benjamín Árni Sigurðsson jafnaði fyrir Árborg á 32. mínútu. Fögnuður Árborgara varði þó stutt því strax í næstu sókn tókst Álafossi að koma boltanum í netið aftur, 1-2 í hálfleik.
Árborg byrjaði seinni hálfleikinn af krafti og strax á 48. mínútu jafnaði Jökull Hermannsson 2-2. Bæði lið fengu frábær færi í kjölfarið en á 73. mínútu skoraði Álafoss sigurmarkið og þar við sat.
Álafoss er á toppi riðils-1 í C-deildinni með 6 stig en Árborg er í 3. sæti með 3 stig.