Agla Ósk Ólafsdóttir, Judofélagi Suðurlands, er á leið til Lundar í Svíþjóð þar sem hún mun keppa í júdó á Budo Nord Cup á morgun, fimmtudag.
Þetta er fyrsta erlenda mót Öglu og verður spennandi að sjá hvernig henni gengur. Agla mun keppa í flokki U18 ára en hún hefur á stuttum ferli náð ótrúlegum framförum í íþróttinni og til alls líkleg.
Með Öglu fer Sara Nugig Ingólfsdóttir sem fararstjóri og þjálfari en Sara á stóran þátt í undirbúningi og þjálfun Öglu.