Ægir tapaði 1-3 þegar liðið fékk Elliða í heimsókn til Þorlákshafnar í 3. deild karla í knattspyrnu í dag.
Elliði komst yfir á 14. mínútu leiksins og reyndist það eina mark fyrri hálfleik. Anton Breki Viktorsson jafnaði metin fyrir Ægi á 62. mínútu, nýkominn inná sem varamaður.
Gestirnir úr Árbænum voru sterkari á lokakaflanum, skoruðu tvívegis og tryggðu sér 1-3 sigur.
Með sigrinum fór Elliði uppfyrir Ægi á töflunni, Elliði er nú í 4. sæti með 8 stig en Ægir er í 6. sæti með 6 stig.