Ægismenn luku leik í A-deild deildarbikarsins í dag þegar þeir heimsóttu HK í Kórinn í Kópavogi.
HK komst yfir á 15. mínútu en Jordan Adeyemo jafnaði metin fyrir Ægi á 28. mínútu. HK-menn skoruðu aftur undir lok fyrri hálfleiks og staðan var 2-1 í leikhléi.
Þær urðu lokatölur leiksins því hvorugu liðinu tókst að bæta við mörkum í seinni hálfleik þrátt fyrir ágætar tilraunir.
Ægismenn luku leik með tíu menn inni á vellinum en Nojus Visinskas fékk rauða spjaldið í uppbótartímanum, fimm mínútum eftir að hann kom inná sem varamaður.
Ægir náði ekki í sigur í deildarbikarnum, liðið lauk keppni í 6. sæti riðils-1 í A-deildinni án stiga. HK varð í 3. sæti í riðlinum með 10 stig.