Ægismenn töpuðu stórt þegar topplið Aftureldingar kom í heimsókn á Þorlákshafnarvöll í 1. deild karla í knattspyrnu í kvöld.
Afturelding réði lögum og lofum allan leikinn en mörkin létu þó á sér standa í upphafi. Gestirnir komust yfir á 34. mínútu og bættu svo við öðru marki úr vítaspyrnu í uppbótartíma fyrri hálfleiks.
Staðan var 0-2 í leikhléi en í seinni hálfleik hrundi leikur Ægismanna algjörlega og Afturelding skoraði fimm mörk. Lokatölur 0-7.
Afturelding er á toppi deildarinnar með 39 stig en Ægir á botninum með 8 stig.