Ægir mætti Þrótti Reykjavík í B-deild Lengjubikars karla í knattspyrnu í Egilshöllinni í kvöld.
Þróttarar reyndust sterkari í leiknum, þeir komust yfir strax á 7. mínútu og bættu öðru marki við um miðjan fyrri hálfleikinn. Staðan var 2-0 í hálfleik og Þróttarar bættu öðrum tveimur mörkum við í seinni hálfleiknum og komu þau bæði á síðasta korterinu. Lokatölur 4-0.
Ægir er í 3. sæti síns riðils í B-deildinni með 3 stig og mæta næst Reyni Sandgerði sunnudaginn 6. mars.