Dregið var í 16-liða úrslit bikarkeppni karla í knattspyrnu í hádeginu í dag. Ægismenn voru eina sunnlenska liðið í pottinum.
Ægismenn drógust gegn KA á útivelli en þetta er í annað skiptið á fjórum árum sem liðin mætast í bikarnum. KA lagði Ægi 3-0 í 8-liða úrslitunum 2022, á Akureyri.
Aðrir leikir í 16-liða úrslitunum eru:
Vestri eða Leiknir – Grótta
Stjarnan – KR
ÍA – Grindavík
Afturelding – Njarðvík
Þróttur – Breiðablik
Fylkir – FH
HK – Víkingur
Leikirnir í 16-liða úrslitum fara fram 13. og 14. maí næstkomandi.