Ægismenn eru enn án stiga í 1. deild karla í knattspyrnu. Þeir tóku á móti Gróttu í fyrsta heimaleik sínum á Þorlákshafnarvelli í dag.
Leikurinn var jafn heilt yfir, fátt um opin færi og heilt yfir lítið að frétta. Grótta skoraði eina mark leiksins úr vítaspyrnu á 36. mínútu.
Ægir byrjaði betur í seinni hálfleiknum en leikurinn fjaraði fljótlega út og niðurstaðan varð 0-1 sigur Gróttu.
Þorlákshafnarliðið er á botni deildarinnar, án stiga eftir þrjár umferðir.