Ægismenn eru komnir í 16-liða úrslit í Fótbolti.net bikarnum, bikarkeppni neðrideildarliða, eftir 1-2 sigur gegn Haukum í framlengdum leik á Ásvöllum í Hafnarfirði í kvöld.
Nenad Zivanovic, þjálfari Ægis, hvíldi lykilmenn í leiknum í kvöld og fátt var að frétta lengst af í fyrri hálfleik. Haukar voru fyrri til að skora en þeir komust yfir rétt fyrir leikhé.
Haukar voru sprækir fyrsta korterið í seinni hálfleiknum og fengu ágæt færi en á 61. mínútu svöruðu Ægismenn fyrir sig. Anton Breki Viktorsson fékk þá sendingu frá hægri og lét vaða fyrir utan vítateig Hauka. Glæsilegt mark og staðan orðin 1-1. Bæði lið fengu færi á lokakaflanum en tókst ekki að skora og því varð að grípa til framlengingar.
Það var svo á 117. mínútu, þremur mínútum fyrir lok framlengingarinnar, að Iván Morán skoraði glæsilegt skallamark eftir hornspyrnu og tryggði Ægi 1-2 sigur.
Dregið verður í 16-liða úrslitin verður í hádeginu á föstudag í beinni textalýsingu á Fótbolta.net.