Héraðsmót í boccia fatlaðra var haldið í íþróttahúsi Vallaskóla á Selfossi síðastliðinn laugardag. Keppendur voru 40 talsins og var fyrirkomulagið tvenndarkeppni.
Keppendur komu frá Íþróttafélögunum Gný og Suðra og ríkti mikil leikgleði á mótinu ásamt hörkukeppni á milli liða. Í hádeginu var tekið hlé og þátttakendur gæddu sér á pizzum og drykkjum í boði Dominos og MS.
Úrslit urðu eftirfarandi:
1. sæti Sveinn Gíslason og Valdís Hrönn Jónsdóttir
2. sæti Kristján Jón Gíslason og Thelma Þöll Þorbjörnsdóttir
3. sæti John William Boyd og Sigríður K. Boyd