Hið árlega Brúarhlaup á Selfossi fer fram laugardaginn 9. ágúst næstkomandi. Boðið er upp á þrjár vegalengdir ásamt Sprotahlaupi fyrir krakka og skemmtihjólreiðar.
Hlaupavegalengdir eru 10 km, 5 km, 3 km ásamt ca. 800 m Sprotahlaupi fyrir krakka 8 ára og yngri. Einnig fer fram keppni í 5 km skemmtihjólreiðum. Allar hlaupaleiðir eru löggildar og mældar upp af viðurkenndum aðila og er tímataka með flögum í öllum vegalengdum. Hlaupið er viðurkennt og vottað af Frjálsíþróttasambandi Íslands. Neðst í fréttinni má sjá tímasetningar á ræsingum í öllum vegalengdum og kort af hlaupaleiðum.
Skráning fer fram á hlaup.is, en einnig á hlaupadag frá kl. 9:00 í Landsbankanum á Selfossi. Forskráningu á hlaup.is lýkur á föstudaginn kl. 20.
Flokkaskipting er í 5 og 10 km hlaupi og eru veittir verðlaunapeningar fyrir 1.-3. sæti í hverjum aldursflokki og einnig fyrir 1.-3. sæti óháð aldri, karla og kvenna, í hvorri vegalengd. Í hjólreiðum eru veitt verðlaun fyrir 1.-3. sæti í karla- og kvennaflokki. Að auki verða dregin út útdráttarverðlaun, úr hópi keppenda og þeim heppnu afhent þau um leið og þeir koma í mark. Allir keppendur fá frítt í sund eftir hlaup, í boði sveitarfélagsins Árborgar, gegn framvísun keppnisnúmers.
Tímasetningar og staðsetningar
🏃🏻♂️➡️ Hlauparar í 10 km verða ræstir á Árvegi, fyrir aftan Krónuna kl. 11:30.
🏃🏻♂️➡️ Hlauparar í 5 km hlaupi verða ræstir kl. 12:00 á Árvegi, fyrir aftan Krónuna.
🚴 Keppendur í 5 km hjólreiðum verða ræstir kl. 11 á Árvegi, fyrir aftan Krónuna.
🏃🏻♂️➡️ Keppendur í 3 km skemmtiskokki verða ræstir í miðbæjargarði Selfoss kl. 11:30.
🏃🏻♂️➡️ Keppendur í 800m Sprotahlaupi verða ræstir í miðbæjargarði Selfoss kl. 12:30.
