Stokkseyri vann mikilvægan sigur á BF108 í 5. deild karla í knattspyrnu í kvöld en liðin mættust á Víkingsvelli í Fossvogi.
Fyrri hálfleikur var markalaus en Stokkseyringar komu ár sinni vel fyrir borð í seinni hálfleiknum. Marteinn Maríus Marinósson kom þeim yfir strax á 50. mínútu en skömmu síðar fékk BF108 dæmda vítaspyrnu. Garðar Freyr Bergsson, markvörður Stokkseyrar, gerði sér hins vegar lítið fyrir og varði spyrnuna.
Á 70. mínútu gerði Arilíus Óskarsson endanlega út um leikinn með góðu marki og lokatölur urðu 0-2.
Stokkseyri er í 3. sæti B-riðils með 7 stig en BF108 er í 6. sætinu með 4 stig.