Knattspyrnufélag Rangæinga hóf keppni í kvöld í 4. deild karla í knattspyrnu þegar liðið heimsótti Skautafélag Reykjavíkur á Þróttarvöllinn.
Lokatölur leiksins urðu 1-2 og litu öll mörkin dagsins ljós í fyrri hálfleik.
SR komst yfir á 27. mínútu en Hjörvar Sigurðsson jafnaði fyrir KFR fimm mínútum síðar. Przemyslaw Bielawski skoraði svo sigurmarkið á 37. mínútu.
KFR er í 2. sæti B-riðils 4. deildar með 3 stig.