43. Sambandsþing USVS var haldið í félagsheimilinu Leikskálum í Vík laugardaginn 16.mars síðastliðinn. Þar voru m.a. veitt verðlaun fyrir íþróttamann ársins og efnilegasta íþróttamann ársins.
Að þessu sinni varð Þorsteinn Björn Einarsson frá Umf. Kötlu fyrir valinu sem íþróttamaður ársins. Þorsteinn keppir í frjálsum íþróttum en hann er einnig öflugur knapi og stundar nám í knattspyrnuakademíu FSu. Svanhildur Guðbrandsdóttir, Hestamannafélaginu Kópi, var valin efnilegasti íþróttamaður ársins. Hún náði góðum árangri í hestaíþróttum á síðasta ári en Svanhildur keppir einnig í frjálsum íþróttum.
Góður andi var á þinginu og skemmti fólk sér vel við almenn þingstörf.
Ný stjórn var kosin og í henni sitja Ragnheiður Högnadóttir formaður, Pálmi Kristánsson gjaldkeri, Petra Kristín Kristinsdóttir ritari, Erla Þórey Ólafsdóttir meðstjórnandi og Ástþór Jón Tryggvason meðstjórnandi. Í varastjórn eru Ásta Alda Árnadóttir, Kristín Ásgeirsdóttir og Sigurður Elías Guðmundsson.