Selfyssingurinn Þórir Ólafsson varð í gær pólskur bikarmeistari í handbolta annað árið í röð með liði sínu KS VIVE Targi Kielce.
Kielce vann Wisla Plock 28-27 en í undanúrslitum á laugardag sigraði Kielce Chobry Glogów 41-22.
Þórir hefur átt mjög góðu gengi að fagna með Kielce en hann skoraði tvö mörk í úrslitaleiknum í gær og fjögur í undanúrslitaleiknum. Þetta er þriðji stóri titillinn sem Þórir vinnur á tveimur tímabilum með Kielce en liðið hefur unnið bikarinn í Póllandi síðustu fimm ár.