Keppni í Domino's-deildunum í körfubolta hefst á næstu dögum en í dag var kynnt spá formanna, fyrirliða og þjálfara liðanna í deildinni.
Þór Þorlákshöfn er spáð fimmta sætinu í Domino’s-deild karla með 270 stig en liðið varð í 7. sæti á síðasta tímabili.
Samkvæmt spánni mun FSu halda sæti sínu í deildinni en ekki komast í úrslitakeppnina. Liðinu er spáð 9. sæti með 141 stig. KR er spáð deildarmeistaratitlinum og ÍR og Hetti spáð falli.
Í Domino’s-deild kvenna er Hamri spáð neðsta sætinu en Hamarskonur eru langneðstar í spánni, með 30 stig. Þar fyrir ofan er Grindavík með 67 stig. Haukum er spáð deildarmeistaratitli kvenna. Verði Hamarsliðið í neðsta sæti þurfa þær reyndar ekki að óttast fall, því ekkert lið fellur úr Domino’s-deildinni í vetur.
Keppni í úrvalsdeild kvenna hefst á miðvikudagskvöld en þá tekur Hamar á móti Snæfelli í Frystikistunni klukkan 19:15.
Karlarnir hefja leik á fimmtudagskvöld. Þá tekur FSu á móti Grindavík í Iðu kl. 19:15 og á sama tíma tekur Þór Þ á móti Keflavík í Icelandic Glacial höllinni í Þorlákshöfn.
Spáin er eftirfarandi: