Ungmennafélagið Þjótandi og Ungmennafélagið Katla voru meðal þeirra sem fengu úthlutað úr Umhverfissjóði UMFÍ í síðustu viku.
Úthlutað var 950 þúsund krónum til átta verkefna.
Katla fékk 150 þúsund krónur til þess að koma upp skjólbelti við íþróttavöllinn í Vík. Þjótandi fékk 100 þúsund krónur og er sá styrkur ætlaður til uppbyggingar á félagssvæði Þjótanda í Einbúa í Oddgeirshólaklettum.
Hlutverk Umhverfissjóðs UMFÍ er að styrkja umhverfisverkefni félaga eða einstaklinga innan ungmennafélagshreyfingarinnar. Stofnendur sjóðsins eru fjölskylda Pálma Gíslasonar ásamt ungmennafélagshreyfingunni og aðrir velunnarar.