Þorsteinn ráðinn framkvæmdastjóri handknattleiks-deildarinnar

Handknattleiksdeild Umf. Selfoss hefur ráðið Þorstein Rúnar Ásgeirsson sem framkvæmdastjóra deildarinnar.

Þorsteinn er af góðu kunnur í félaginu en hann hefur verið viðloðandi starf handknattleiksdeildarinnar allt frá árinu 2012 þegar hann kom inn í stjórn og hefur setið þar síðan. Hann hefur sinnt bæði starfi formanns og gjaldkera.

Þorsteinn mun víkja úr stjórn og mun Sandra Dís Hafþórsdóttir taka við sem gjaldkeri deildarinnar.

Í tilkynningu frá Selfyssingum segir að þar á bæ séu menn og konur gríðarlega ánægð með ráðningu Þorsteins og er þetta hluti af því að bæta og efla starf deildarinnar.