Upp úr kl. 18 í gærkvöldi hófst jarðskjálftahrina í Ölfusinu, á þekktu jarðskjálftavæði við Raufarhólshelli.
Einnig mældist skjálftavirkni þar á þriðjudagsmorgun og hafa síðan rúmlega 100 jarðskjálftar mælst á svæðinu.
Stærstu skjálftarnir voru um 2,5 að stærð, undir Lönguhlíð, 2 km norðan við Raufarhólshelli og urðu íbúar í Þorlákshöfn varir við þá.
Í færslu Eldfjalla- og náttúruvárhóps Suðurlands segir að um sé að ræða þekkt skjálftasvæði, þar sem reglulega hefur skolfið síðustu ár. Til að mynda mældust tugir skjálfta á þessum slóðum í október 2024, þar sem stærstu skjálftar voru sambærilegir þeim sem nú hafa mælst.