VSÓ ráðgjöf ehf bauð lægst í eftirlit og ráðgjöf með byggingu brúar yfir Stóru-Laxá og vegaframkvæmda í kringum hana sem hefjast síðar á árinu.
Tilboð VSÓ ráðgjafar hljóðaði upp á 16,9 milljónir króna og var 11,9% undir áætluðum verktakakostnaði Vegagerðarinnar, sem var rúmlega 19,1 milljón króna.
Efla hf bauð 17,2 milljónir króna í verkið, Mannvit 19,4 milljónir og Hnit verkfræðistofa 23,6 milljónir. Allir bjóðendur uppfylltu hæfisskilyrði útboðsins og stóðust hæfnimat.
Tilboð í brúarsmíðina sjálfa, sem og vegagerðina, voru opnuð í ágúst og var Ístak hf lægstbjóðandi.
Verkinu á að vera lokið þann 30. september 2022