Vörubíll fauk útaf Suðurlandsvegi í Hveradölum á tólfta tímanum í morgun.
Talsvert viðbragð var vegna slyssins og voru meðal annars kallaðir út tækjabílar frá Brunavörnum Árnessýslu frá Hveragerði og Selfossi.
Betur fór þó en á horfðist og slapp ökumaðurinn, sem var einn á ferð, án teljandi meiðsla.
Hálkublettir eru á Hellisheiði og mjög hvasst; 17 m/sek og hviður yfir 25 m/sek.