Vorfundur Rarik fer fram í Drift EA á Akureyri í dag kl. 15:00. Uppselt er á fundinn en hægt er að fylgjast með honum í beinu streymi.
Fundurinn ber yfirskriftina Orka, nýsköpun og atvinnuuppbygging á Norðurlandi og þar mæta fulltrúar helstu hagaðila Rarik á Norðurlandi til að hlusta á og taka þátt í samtali um orku, nýsköpun, samfélag og uppbyggingu. Tækifærin blasa við á landsbyggðinni og Rarik tekur fullan þátt í að greiða fyrir grænu og þróttmiklu atvinnulífi á sínu dreifisvæði.
Meðal ræðumanna á fundinum eru Hanna Katrín Friðriksson, atvinnuvegaráðherra, Magnús Þór Ásmundsson, forstjóri Rarik, Albertína Friðbjörg Elíasdóttir, framkvæmdastjóri SSNE og Gestur Geirsson, framkvæmdastjóri landvinnslu Samherja. Fundarstjórn er í höndum Villa vandræðaskálds, bæjarlistamanns Akureyrar.