Vísindavika á Örk

Þessa vikuna stendur yfir Vísindavika í leikskólanum Örk á Hvolsvelli. Þar leggja nemendur og kennarar niður allt hefðbundið starf og einbeita sér að skemmtilegum tilraunum.

Þetta er orðin skemmtileg hefð sem hefur skapast í leikskólanum en kennarar útbúa ýmsar tilraunir með börnunum og fá þau að prófa og kanna eðli efna og hluta.

Má þar nefna eldgos, búa til slím, kanna flothæfni hluta, sulla með raksápu og matarlit, búa til hvirfilbyl og margt fleira.