Vinningshafar í happdrætti Menningar-veitunnar

Dregið hefur verið í happdrætti Menningarveitu Vestfirðinga og Sunnlendinga sem haldin var á Hótel Selfossi sl. föstudag.

Það var Ólafur Helgi Kjartansson, sýslumaður á Selfossi og áður á Ísafirði, sem dró út tíu vinningshafa með aðstoð Sigmundar Sigurgeirssonar, ritstjóra Sunnlenska fréttablaðsins.

Nýju bók Jóns Hjartarsonar, Strandamanns á Selfossi “Veislan í norðri” fengu Auðbjörg Guðmundsdóttir á Eyrarbakka, Bára Jónasdóttir frá Stokkseyri, Sigríður Bergsteinsdóttir á Selfossi og Olga Jóhannsdóttir á Selfossi.

Áskrift að “Sunnlenska fréttablaðinu” í þrjá mánuði fengu Lilja Guðmundsdóttir á Selfossi, Þóranna Þórarinsdóttir frá Suðureyri og Hildur Jóhannesdóttir í Hafnarfirði.

“Menningarkakó og vöfflu” fyrir tvo í Sunnlenskabókakaffinu fengu Árni Benediktsson á Selfossi, Guðrún Steinarsdóttir á Selfossi og Elfar Guðni Þórðarson á Stokkseyri.

Vinningana má vitja á Sunnlenska fréttablaðinu og Sunnlenska bókakaffinu að Austurvegi 22 á Selfossi.