Vindmyllurnar í Þykkvabæ gangsettar

Nýjar vindmyllur Biokraft í Þykkvabæ voru gangsettar með formlegum hætti í dag að viðstöddu fjölmenni.

Af þessu tilefni bauð athafnamaðurinn Steingrímur Erlingsson, stofnandi Biokraft, til veislu í húsnæði Kartöfluverksmiðjunnar og Hafsteinn Einarsson í Sigtúni ræsti myllurnar.

Myllurnar eru tvær, 53 metra háar og þvermál spaða þeirra er 44 metrar. Þannig er hæðin 74 metrar þegar spaði er í hæstu stöðu. Samanlagt afl myllanna er 1,2 MW og samið hefur verið við Orku Náttúrunnar (ON) um kaup á öllu rafmagni sem þær framleiða. Áætlað er að þær geti því séð 800-1.000 heimilum fyrir rafmagni.