Carlos Zapata, þekktur arkitekt frá New York, hefur óskað eftir að fá úthlutað þremur lóðum við Eyrarbraut á Stokkseyri.
Þar hyggst Zapata reisa íbúðarhús þar sem jafnframt verða íbúðir og aðstaða fyrir listamenn.
Hefur verið ákveðið að deiliskipuleggja svæðið upp á nýtt en í gildi er gamalt deiliskipulag sem gerir ráð fyrir vegi við sjóvarnargarðinn, sem ekki telst heppilegt. Fær arkitektinn væntanlega úthlutað lóð í kjölfar breytingarinnar.
Meðal þekktra bygginga sem Zapata þessi hefur hannað eru íþróttaleikvangurinn Soldier Field í Chicago og hluti flugstöðvarinnar í Miami í Bandaríkjunum.