Bæjarráð Hveragerðisbæjar mun boða til fundar með hagsmunaaðilum í garðyrkju til að fara yfir hvað Hveragerðisbær geti gert til að efla stöðu greinarinnar í bæjarfélaginu.
Á síðasta fundi bæjarráðs var fjallað um möguleika til atvinnuuppbyggingar í bænum. Þónokkrar atvinnulóðir eru lausar til umsóknar og þar á meðal eru um 15.000 m2 sem skilgreindir eru sem gróðurhúsalóðir.
Ennfremur ræddi bæjarráð þá möguleika sem felast í atvinnusvæði neðan við Suðurlandsveg en þar hefur verið deildskipulagt svæði fyrir stórar athafnalóðir þar sem möguleiki er á að stærri fyrirtæki geti komið sér vel fyrir.
Í kjölfar umræðu á fundinum var samþykkt að boða til fundarins með hagsmunaaðilum í garðyrkjunni.