Vignir Sigurðsson tekur við starfi framkvæmdastjóra lækninga hjá Heilbrigðisstofnun Suðurlands frá og með deginum í dag. Samhliða því mun hann gegna starfi framkvæmdastjóra sjúkrasviðs.
Vignir lauk kandídatsprófi frá læknisfræði frá Háskóla Íslands árið 2011 og stundaði svo sérnám í barnalækningum við Sahlgrenska Háskólasjúkrahúsið og lauk doktorsprófi frá Gautaborgarháskóla 2021. Vignir flutti aftur til Íslands 2021 í heimabæinn Hveragerði og hóf störf sem barnalæknir hjá HSU.
Vignir hefur starfað sem yfirlæknir barnalækninga hjá HSU síðustu ár og leitt faglega uppbyggingu lífstílsmóttöku barna á heilsugæslum HSU. Þá hefur hann leitt rannsóknarverkefnið Kraftmiklir krakkar, sem er lífstílsverkefni fyrir börn og forráðamenn þeirra í heimahéraði á Suðurlandi.