Viðbyggingin við leikskólann Óskaland í Hveragerði vann nýlega verðlaunin The Prefab House of the Year 2026 í Eistlandi fyrir besta verksmiðjuframleidda timburhúsið í flokknum besta opinbera byggingin.
Byggingin er hönnuð af marimo arkitektum fyrir Hveragerðisbæ og Eik fasteignafélag.
Framleiðendurnir hjá Timberco tóku við verðlaununum en í umsögn dómnefndar segir að í viðbyggingunni sé lögð áhersla á úthugsaðan arkitektúr, þar sem áhersla er á hönnun án aðgreiningar og nútímalega nálgun gagnvart námsumhverfi. Þá sé pastelgrænt ytra byrðið, sterk tenging milli inni- og útisvæða og hlýlegar viðarinnréttingar skapi notalegt námsumhverfi fyrir börn.
Viðbyggingin, sem tekin var í notkun í apríl síðastliðnum, stækkar leikskólann um 600 fermetra en þar eru þrjár nýjar deildir og rúmgóð starfsmannaaðstaða.