Í dag fer fram sameiginleg æfing lögreglunnar á Suðurlandi og sérsveitar ríkislögreglustjóra. Einnig koma sjúkraflutningar Heilbrigðisstofnunar Suðurlands að æfingunni.
Æfingin fer fram austan við Þjórsá og má því búast við viðbragðsaðilum í forgangsakstri allt frá höfuðborgarsvæðinu og austur fyrir Þjórsá. Í tilkynningu biður lögreglan á Suðurlandi vegfarendur um að taka tillit til þess.