Véltindar í Hafnarifrði hafa afhent hátt í 30 nýja hópferðabíla hér á landi á síðustu 12 mánuðum frá kínverska atvinnubílaframleiðandanum King Long. Nú á dögunum afhentu Véltindar, sem er umboðsaðili King Long á Íslandi, nýjustu hópferðabílanna, m.a. til ICS ehf. og N66 ehf í Þykkvabæ.
„Það er óhætt er að segja að King Long hafi komið með hvelli inn á íslenskan hópferðabílamarkað. Við hjá Véltindum hófum formlega sölu á King Long hópferðabílunum á síðasta ári og bifreiðarnar hafa skipað sér strax í hóp með vinsælustu rútu og strætisvögnum hér á landi,“ segir Úlfar Kjartansson, sölufulltrúi hjá Véltindum.
Véltindar bjóða upp á breitt úrval af rútum og strætisvögnum frá King Long en einnig frá Iveco sem er þekkt bílamerki í atvinnubílum.
„Við erum mjög ánægðir og stoltir að hafa tekið að okkur umboð fyrir King Long sem eru mjög spennandi hópferðabílar. Ekki ólíkt öðrum kínverskum fólksbílaframleiðendum þá er King Long að vaxa ásmegin í Evrópu og nú sérstaklega í Skandinavíu og Norður Evrópu. Með afhendingunum koma til landsins sérfræðingar sem eru kaupendum til halds og traust við afhendingu bílanna. Hingað til hafa flestir hópferðabílarnir frá King Long sem við höfum afhent verið dísilvagnar en King Long er einnig mjög framanlega þegar kemur að rafdrifnum rútum og strætisvögnum. Við afhentum Bus4U nokkra rafmagns strætisvagna frá King Long á síðasta ári og hafa þeir reynst einstaklega vel. Rafmagnsvögnunum mun án efa fjölga á næstu misserum,“ segir Úlfar.
Fyrirtækið King Long var stofnað árið 1988 og er einn af þremum stærstu rútu og strætisvagnaframleiðendum Kína. King Long er með umboðsaðila í yfir 150 löndum og hafa selt tæplega sexþúsund rútur í Evrópu síðustu ár. Samtals fluttu King Long út 160 þúsund rúrubifreiðar á síðasta ári.
