Björgunarsveitir í Árnessýslu ásamt björgunarsveitum frá Blönduósi og Skagaströnd og þyrlu Landhelgisgæslunnar fengu útkall á hæsta forgangi fyrir hádegið í dag vegna tveggja vélsleðamanna sem höfðu lent í vandræðum á hálendinu.
Mennirnir höfðu misst sleða sína í Fúlukvísl, austan við Langjökul, og voru orðnir kaldir og hraktir.
Hópur frá Flugbjörgunarsveit Reykjavíkur var í Kerlingarfjöllum og kom fyrst á vettvang. Björgunarsveitarfólkið hlúði að mönnunum og bjó þá undir flutning með þyrlunni sem flaug með þá til Reykjavíkur.