Vélsleðamaður ók fram af hengju við Hlöðufell síðdegis í dag. Þyrla Landhelgisgæslunnar sótti manninn og flutti hann á sjúkrahús í Reykjavík.
Á fimmta tug björgunarsveitarmanna úr Árnessýslu og af höfuðborgarsvæðinu voru kallaðar út ásamt sjúkraflutningamönnum frá Selfossi. Þungt færi var á slysstað og nánast eingöngu fært snjóbílum og vélsleðum.
Félagar hins slasaða fluttu hann í skála og biðu þar aðstoðar. Við Hlöðufell var skafrenningur og skyggni lítið en rofar til á milli.
UPPFÆRT KL. 17:37