Vélaskemma í Þykkvabæ skemmdist mikið í bruna aðfaranótt föstudags. Eigandi hennar kom að henni um klukkan 8:30 á föstudagsmorgun og blasti tjónið þá við honum en eldurinn var slokknaður.
Eigandinn hafði verið að vinna í skemmunni kvöldið áður og allt var í lagi þegar hann yfirgaf hana.
Tæknideild lögreglunnar sá um vettvangsrannsókn og er að vinna úr niðurstöðum hennar.