Eldur kom upp í vélageymslu á sveitabæ í Landbroti síðastliðinn sunnudag. Verið var að vinna við rafsuðuvinnu í skemmunni þegar eldsins varð vart.
Samkvæmt upplýsingum frá lögreglunni á Suðurlandi leitaði þrennt sér læknisaðstoðar vegna gruns um reykeitrun af völdum eldsins.
Umtalsvert tjón varð á húsnæðinu og vélum og búnaði í því. Lögreglan á Suðurlandi rannsakar upptök eldsins.