Vélarvana skip sunnan Dyrhólaeyjar

Þyrla Landhelgisgæslunnar var kölluð út um níuleytið í morgun eftir að tilkynning barst um að togara ræki að landi við Dyrhólaey. Björgunarsveitin Víkverji er einnig farinn af stað sem og lögreglan á Hvolsvelli.

Vísir greinir frá því að um sé að ræða frystiskipið Gnúp með 27 manna áhöfn.

Engin hætta er á ferðum þar sem áhöfn skipsins hefur varpað akkeri og veður er gott á svæðinu, samkvæmt skipstjóra Gnúps.

Samkvæmt tilkynningu frá Landhelgisgæslunni er áætlað að togarinn Bergey frá Vestmannaeyjum komi að Gnúp um klukkan 10:30 og taki skipið í tog.

UPPFÆRT KL. 11:37: Áhöfn Gnúps tókst fyr­ir stuttu að koma vél skips­ins í gang og sigl­ir hann nú fyr­ir eig­in vélarafli. Útkall björg­un­ar­sveita hef­ur því verið aft­ur­kallað.