Ingibjörg Zoëga var endurkjörin formaður Sjálfstæðisfélags Hveragerðis á aðalfundi félagsins sem haldinn var síðastliðið miðvikudagskvöld.
Stjórn félagsins var öll endurkjörin en aðrir í stjórn eru Elín Engilbertsdóttir, Geir Guðjónsson, Hanna Lovisa Olsen, Kristján Á. Gunnarsson, Lilja Björg Kjartansdóttir og Sighvatur Fannar Nathanaelsson. Í varastjórn voru kjörin Jón Aron Sigmundsson, Karitas Róbertsdóttir og Nína Margrét Pálmadóttir. Ásta Magnúsdóttir og Eyjólfur K. Kolbeins voru kjörin sem skoðunarmenn reikninga.
Sjálfstæðisfélagið í Hveragerði á 31 fulltrúa í fulltrúaráði sjálfstæðisfélaganna í Árnessýslu sem voru kjörnir á fundinum og þá voru tíu fulltrúar kjörnir í kjördæmisráð.
Í lok fundar flutti Guðrún Hafsteinsdóttir, formaður Sjálfstæðisflokksins og oddviti hans í Suðurkjördæmi, ávarp og fór hún meðal annars yfir stöðuna á Alþingi, ESB málin, efnahagsástandið sem og þá vegferð sem framundan er í sveitarstjórnarkosningum.
Ingimar Guðmundsson, nýr oddviti D-listans, kvaddi sér einnig hljóðs og fór yfir stöðuna á framboðinu og þá vegferð sem framundan er hjá því og fjallaði hann einnig um mikilvægi starfsins hjá Sjálfstæðisfélagi Hveragerðis.
Vel var mætt á fundinn en yfir 30 félagsmenn sátu hann á fundinn. Guðríður Aadnegard var fundarstjóri og Sighvatur Fannar Nathanaelsson ritaði fundargerð.
