Þrjú slys voru tilkynnt til lögreglunnar á Suðurlandi í síðustu viku. Í einu tilfellinu rákust speglar bifreiða sem mættust saman og brotnaði hliðarrúða í annarri bifreiðinni.
Slysið varð á Suðurlandsvegi við Keldunúp og fengu bæði ökumaður og farþegi aðskotahluti úr speglunum í andlit og háls.
Þá slasaðist bóndi í Vestur-Skaftafellssýslu við akstur fjórhjóls á túni en hjólið valt þegar hann sveigði frá kú sem gekk í veg fyrir hann. Meiðsl hans eru ekki talin alvarleg.
Þetta kemur fram í dagbók lögreglunnar á Suðurlandi.