Björgunarsveitir á Suðurlandi voru kallaðar út klukkan hálf níu í kvöld eftir að tilkynning barst um veiðimann í vandræðum í grennd við Sporðöldulón, austan við Sultartanga.
Maðurinn finnur ekki bílinn sinn og er einn á ferð.
Í tilkynningu frá Landsbjörgu segir að björgunarsveitarfólk og lögregla hafa reynt að staðsetja manninn út frá farsímanum hans og nálgist nú staðinn þar sem talið er að maðurinn sé.