Um klukkan 14 í dag barst björgunarsveitum á Suðurlandi beiðni um aðstoð frá veiðimanni sem var í sjálfheldu við Skaftá, nálægt Kistufelli í Skaftárhreppi.
Maðurinn var á veiðium ásamt öðrum manni þegar hann lenti í sjálfheldu í brattlendi vegna hálku.
Björgunarsveitarfólk fór vel búið á vettvang, fann manninn og náðu að hjálpa honum úr sjálfheldunni og aðstoða veiðimennina báða niður af svæðinu.
Annir hafa verið hjá björgunarsveitum Landsbjargar í dag, því þegar útkallinu í Skaftárhreppi var að ljúka barst tilkynning um göngumann sem var villtur í kolniðamyrkri við Móskarðshnjúka í Kjósarhreppi. Mikill fjöldi björgunarsveitarmanna er komin á svæðið til leitar og sækja að manninum úr nokkrum áttum.
